SHIKULU

Nafuluka shikulu.

Naibukisha fintu aali.

Icimpuusa, icalecinga abalenya.

Chimpampa uwaitobeke mu mitondo.

Chenda-mainsa, uushaleceba ku muulu.

Umupula-mpako, bambi baleti icauma-lubali.

Chinga-wa-labwa-labwa, ukumwibukisha ni pa ntanga.

Aleeti “Ifilya imbwa filalinga,” elyo kabili “Inama nayo ifwa ku mushi.”

Ukufunda kwakwe kwalemfika pa mutima. Alesosa no kushininkisha

ukutila:

“Ukatekanye mu caalo umo washala. ‘Mucinsha nsengu, enda na kabala,’ elyo wikalaba ukutiila,

‘Leesa tatema miti, atema abantu.’ Wikesha ukutekelesha ‘Ifibwa fya mampuulu,’ pantu ‘Mwikala patalala, mwine apatalalika…” Owe nindaba! Ba GEN Z tabomfwilepo nangu kaamo.  Ciine fye shikulu alyebekeshe ilyo alelanda ukuti: “Icishumfwa nshintu, tacikala ku muuba.” Awe kuti  twasha bwaloba!

NB: Nga mulefwaya ukwishiba umo shonse ishi nsoselo shilolele, mukamone “Amashiwi ne Nsoselo sha Baunga.”

** Dictionary ili mu nshila.**